நானேயோ தவம்செய்தேன்
நானேயோ தவம்செய்தேன் சிவாயநம எனப்பெற்றேன்
தேனாய் இன்னமுதமாய்த் தித்திக்கும் சிவபெருமான்
தானேவந்து எனதுள்ளம் புகுந்துஅடியேற்கு அருள்செய்தான்
ஊனாரும் உயிர்வாழ்க்கை ஒறுத்தன்றே வெறுத்திடவே!
## ஒறுத்தல் - தண்டித்தல்
பொழிப்புரை:
***************
வீடு அடைவதற்கு உரிய தவத்தை நானா செய்தேன்? (இல்லை). சிவாயநம என்று சொல்லும் பேறு பெற்றேன்; தேனாகவும், அமுதமாகவும் இனிக்கும் சிவபெருமான், தானாக வந்து என் உள்ளத்துள் புகுந்து, ஊனால் ஆகிய இந்த உடம்பில் இருந்து வாழும் உயிர்வாழ்க்- -கையைக் கண்டித்து, வெறுப்பு அடையுமாறு செய்து அடியேனுக்கு அருள் செய்தான்.
## திரு ஏசறவு நிறைவுற்றது.
*திருச்சிற்றம்பலம்*
Comments
Post a Comment