Skip to main content

திருச்செந்தூர் வரலாறு









திருச்செந்தூர் (செந்தில் வேலவன் கடலிலிருந்து வெளிப்பட்டு அருளிய அதி அற்புத வரலாற்று நிகழ்வு):
*
நாயக்க மன்னர்கள் 'கடல் மார்க்கமாய் பாரத தேசத்திற்குள் நுழையும் போர்ச்சுகீசியருடன்' கடலில் முத்தெடுத்து ஏற்றுமதி செய்வது உள்ளிட்ட பலதரப்பட்ட வர்த்தகங்களுக்கு ஒப்பந்தமொன்றினை (1639ஆம் ஆண்டில்)  மேற்கொள்கின்றனர். அம்முறையிலேயே 1648ஆம் ஆண்டு டச் நாட்டினருடன் மற்றொரு ஒப்பந்தமும் கையெழுத்தாகின்றது. இதனைச் சிறிதும் சகியாத போர்ச்சுகீசியர் டச்சுப் படையினரைக் கடுமையாய்த் தாக்கி விரட்டுகின்றனர்.
*
அதிகப் படைகளைத் திரட்டி மீண்டும் பாரத தேசம் திரும்பும் டச்சுப் படையினர் போர்ச்சுகீசியரின் பகுதிகளுள் பலவற்றைக் கைப்பற்றியதோடு நில்லாமல் திருச்செந்தூர் திருக்கோயிலையும் கையகப் படுத்துகின்றனர். திருமலை நாயக்கர் எவ்விதம் வலியுறுத்தியும் ஆலயத்திலிருந்து வெளியேற அவர்கள் மறுத்து விடுகின்றனர்.
*
நாயக்க மன்னர் சிறிய படையொன்றினைத் திரட்டி டச்சுப் படையினரை எதிர்த்தும் வெற்றி கிட்டாது போகின்றது. சிறிது காலம் சென்றபின், டச்சுப் படையினர் தாங்கள் கொள்ளையிட்ட பொருட்களோடு,  தங்கமென்று கருதி ஸ்ரீஷண்முகர்; ஸ்ரீநடராஜர் ஆகிய மூர்த்திகளின் உற்சவத் திருமேனிகளையும் அபகரித்துக் கொண்டு, கடல் மார்க்கமாய் மீண்டும் தங்கள் பயணத்தினைத் தொடர்கின்றனர்.
*
செல்லும் வழியில் அம்மூர்த்தங்களை உருக்க முனையும் தருணம், கடல் நீரில் திடீரென்று பெரும் கொந்தளிப்பு ஏற்படுகின்றது. காற்றும் சொல்லொண்ணா வேகம் கொண்டு கடும் சூறாவளியென மாற, கப்பல் மிகக் கடுமையாக ஆட்டம் காணத் துவங்குகின்றது. டச்சுப் படையினர் செய்வதறியாது பதறுகின்றனர். விக்கிரகத் திருமேனிகளை உருக்க முனைந்ததாலேயே இச்சூழல் ஏற்பட்டுள்ளது என்று ஏக மனதாக முடிவெடுத்து, அவற்றினை அக்கணமே கடலினில் சேர்ப்பித்து விடுகின்றனர்.
*
என்னே வியப்பு! சில கணங்களிலேயே கடல் நீரின் கொந்தளிப்பு முழுவதுமாய்த் தணிந்து, காற்றின் வேகமும் சீர் அடைகின்றது. டச்சுப் படையினர் பெரு வியப்புறுகின்றனர். இந்நிகழ்வு டச்சு நாட்டின் ராணுவக்  குறிப்புகளிலும் பதிவு செய்யப் பட்டுள்ளது என்பது குறிப்பிடத் தக்கது. செந்தில் பதி மேவியருளும் சிவகுமரனின் திருவுளக் குறிப்பை யாரே அறியவல்லார்! கருணைக் கடலான அப்பெருமானின் அனுமதியின்றி அண்ட சராசரங்கள் முழுவதிலும் அணுவும் அசைந்துவிட ஒண்ணுமோ!!
*
சில ஆண்டுகளுக்குப் பின்னர், செந்தூர் ஆலயத்தில் மீண்டும் உற்சவ மூர்த்திகளைச் செய்விக்கும் திருப்பணி தொடங்கப் பெறுகின்றது. இது ஒருபுறமிருக்க, செந்தில் வேலவனிடம் அபரிமிதமான பக்தியும் ஈடுபாடும் கொண்டிருக்கும் வடமலையப்பர் எனும் அடியவரின் கனவினில் ஷண்முகக் கடவுள் எழுந்தருள்கின்றார், கடலுக்குள் உற்சவ மூர்த்திகள் புதையுண்டு இருக்கும் இடத்தைத் அறிவித்தருளி, அவ்விடத்தில் எலுமிச்சையொன்று மிதக்குமென்றும், வானில் கருடப் பறவை தோன்றுமென்றும் அருளிச் செய்கின்றார்.
*
திருவருட் திறத்தை வியந்து போற்றும் வடமலையப்பர் செந்திலாண்டவன் அருளிய வண்ணமே, குறிப்பிட்ட அவ்விடத்தில் கடலுக்கு அடியினில் நீந்திச் சென்று உற்சவத் திருமேனிகளை வெளிக்கொணர்கின்றார். செந்தூர் வாழ் மக்கள் மீண்டும் அம்மூர்த்திகளைத் செந்தூர் திருக்கோயிலில் பிரதிட்டை செய்வித்து, அகம் குழைந்து, விழி நீர் ஆறாய்ப் பெருக, தங்கள் வாழ்வோடும் ஆன்மாவோடும் கலந்து விட்ட ஸ்ரீஷண்முகக் கடவுளைப் போற்றித் துதித்துப் பிறவிப் பயன் எய்துகின்றனர்

ஆறுமுகநாதனுக்கு அரோகரா'.✡

Comments

Popular posts from this blog

வாணர் குல அரசர்கள்

வாணர் குல அரசர்கள். தென்னிந்திய வரலாற்றில் பல்லவர், சோழர், சேர, பாண்டியர் வரிசையில் போர்க்குடியாகவும்,புகழ் பெற்ற மன்னர்களாகவும் ஆட்சி செய்த குடிகளில் மிகவும் முக்கியமான குடிகள் வாணர் எனவும் அழைக்கப்படும் மகாபலியின் வம்ச குடியினரே ஆவார்கள். வாணர் என்றால் மலையர் என்ற மலையாளும் மன்னர் குடியாக கொள்ளப்படுகின்றது.. சேரனை சங்க இலக்கியத்தில் மலையன் என்றும் வானவன்(மலையர்) என்றும்.வானவரம்பன்(சேரன்) மலைகளை எல்லையாக கொண்டவன் என்று கூறுகின்றது.ஆக தென்னாடு முழுவதும் விந்திய மலை முதல் தென் மலையான பொதிகை,மேற்கு தொடர்ச்சி மலை பகுதி வரை மகாபலி வம்சத்தவர்களான வாணர்(மலையர்) என்ற மன்னர்களே ஆண்டுள்ளனர். இதற்கு ஆதாரமாக. "தென்புல மருங்கின் விண்டு நிறைய வாணன் வைத்த விழுநிதி பெறினும் பழிநமக் கெழு வெண்ணாய் விழுநிதி" (அடி 202 - 204 மதுரைகாஞ்சி) - எனக் குறிப்பிடுகிறது. இவ்வரிகளில் குறிக்கும் தென்புலம் என்பது இந்தியத் திருநாட்டிற்கு தென்புறம் தடுப்புச்சுவர் போல் உள்ள விந்திய மலையாகும். இது தக்காணம், தஷ¤ணபாதம், தக்கண பாதம் எனவும் வட மொழியில் அழைக்கப்படுகின்றன.இதில் இருந்து விந்திய மலையிலிருந்து கு

உலகெலாம் உணர்ந் தோதற் கரியவன்

உலகெலாம் உணர்ந் தோதற் கரியவன்; நிலவு லாவிய நீர்மலி வேணியன், அலகில் சோதியன் அம்பலத்தாடுவான்; மலர் சிலம்படி வாழ்த்தி வணங்குவாம்.------சேக்கிழார் அருளிய திருத்தொண்டர் புராணம் என்ற பெரிய புராணம்

பறவை நாச்சியார்

அவள் பெயர் பரவை, சுந்தரரின் மனைவி பெயரையே கொண்டவள். திருவாரூர் தியாக விடங்கர் (தியாகராஜர்) கோயிலில் தொண்டு புரிந்து வந்தவள். இவளின் பேரழகும், சைவத் தொண்டுகளும் மாமன்னன் கங்கை கொண்ட ராஜேந்திர சோழனை மிகவும் கவர்ந்தன. எத்தனை போரில் ஈடுபட்டு, எத்தனை உயிர்களை பரித்தவனாக இருந்தாலும் அவனும் ஆண் தானே? உடனே அவளை காதலிக்கத் துவங்கினான் ராஜேந்திரன். பல நூறு வருடங்களாக செங்கல் கட்டுமானமாகவே இருக்கும் திருவாரூர் கோயிலை கற்றளியாக மாற்ற வேண்டும் என்பது பரவையின் ஆசை, இதை ராஜேந்திரனிடன் கூறுகிறார் பரவை.  அவளை மிகவும் நேசித்த ராஜேந்திர சோழன் அவளின் வேண்டு கோளுக்காகத் தியாகராஜரின் திருக்கோயிலைக் கருங்கல் கொண்டு எடுத்து கற்றளியாகப் புதுப்பிக்கிறான். அவனின் 16-18ம் ஆண்டுகளில் வீதிவிடங்கனின் கோயில் கற்கோயிலாக மாற்றப்பெற்றது. கற்றளி மட்டும் போதாது, இந்த கோயிலை பொற் கோயிலாகவே மாற்ற வேண்டும் என்று பரவை ராஜேந்திரனிடம் கேட்டாள். காதலி பேச்சுக்கு மறு பேச்சு ஏது? உடனே ராஜேந்திரன் கோயிலை உள்ளும் புறமும் தங்கத்தகடுகள் போர்த்தி அழகு செய்தான். முகமண்டபம், தூண்கள் ஆகியவற்றை செம்புத் தகடுகளால் அலங்கரித்தான். 18ம் ஆ