Skip to main content

மனுநீதிச் சோழன்.

மனுநீதிச் சோழன். 

         தொன்ம சோழர்களின் தலைநகரமாக புகார் நகர் விளங்கினாலும் சில காலம் #திருவாரூர் தலை நகராய்  இருந்துள்ளது. திருவாரூரில் தான் முசுகுந்த சோழன் பிரதிஷ்டை செய்த விடங்கலிங்கமும் இருந்தது. மனுநீதிச்சோழன்   நீதி நெறி தவறாது ஆட்சி செய்து வந்தான். மன்னனை மக்கள் தங்கள் உயிரினும் மேலாக மதித்து வாழ்ந்தனர்.மன்னரின் இயற்பெயர் தெரியவில்லை. சோழன் வெகு நாட்களாக மக்கட்பேறு இல்லாமல் வாடினான். இறைவனது அருளால் அழகே உருவான ஒரு மகன் பிறந்தான்.முசுகுந்தர் பிரதிஷ்டை செய்த இறைவனின் திருப்பெயராலே வீதி விடங்கன் என்று பெயரிட்டு அருமையுடன் வளர்த்து வந்தான் மன்னன். விடங்கனும்  அறிவிலும் நற் பண்புகளிலும் சிறந்தவனாகத் திகழ்ந்தான்.

     மக்கள் குறைகேட்டு நீதி சொல்ல தன் அரண்மனை வாயிலில் ஒரு பெரிய மணியைக் கட்டி வைத்தான்.  அந்த மணிக்கு #ஆராய்ச்சிமணி என பெயரிட்டான் சோழன் . ஒருநாள் மாலைவேளை வீதிவிடங்கன்  தேரில் ஏறி நகரைச் சுற்றி வந்தான். எதிரே வந்த கன்றுக்குட்டியை  கவனிக்காமல் அக்கன்றின்மேல் தேரை ஏற்றி கொன்று விட்டான். கன்று இறந்ததை அறிந்த தாய்பசு பெருந்துயருற்று அரண்மனை வாயிலில் ஆராய்ச்சிமணியை அடித்தது . விவரம் அறிந்த அரசன் கன்றினை கொன்ற தன் மகனை கொல்ல ஆணையிட்டான். அரசனின் ஒரே வாரிசை  இழக்க விரும்பாத பணியாளர் எவரும் துணியவில்லை. அரசர் அமைச்சரை விட்டு வீதிவிடங்கன் மேல் தேரை ஏற்ற சொன்னான். எதிர்கால சோழனை கொல்ல விரும்பாத அமைச்சர் அக்கணமே தற்கொலை செய்து கொண்டார். கடைசியில் அரசனே தன் மகனை தேர்காலில் இட்டு கொன்று நீதியை நிலை நாட்டினான்.  அதனால் மனுநீதிச்சோழன் எனப் பெயர் பெற்றான். 

   இதே போன்ற வரலாற்றை சோழர்குலத்தில் இருந்து இலங்கையை ஆண்ட #எல்லாளன் மீதும் கூறுவர். அதுவும் உண்மையாக இருக்கலாம். மனுநீதிச் சோழனை பின்பற்றியே அவ்வரசனும் செய்திருக்கலாம். ஆனால் , மனு நீதிச்சோழனும் எல்லாளளுன் வேறு வேறு நபர்கள். மனுநீதிச் சோழனுக்கு முன்பும் பின்பும் திருவாரூரை சோழர்கள் ஆண்டதாய் குறிப்பில்லை. முதலாம் குலோத்துங்க சோழன் காலத்தில் தலைநகர் அந்தஸ்தில் இருந்ததாய் தகவல் உண்டு.

#சோழர்களின் வரலாற்றுத் தேடல்கள் தொடரும்

Comments

Popular posts from this blog

வாணர் குல அரசர்கள்

வாணர் குல அரசர்கள். தென்னிந்திய வரலாற்றில் பல்லவர், சோழர், சேர, பாண்டியர் வரிசையில் போர்க்குடியாகவும்,புகழ் பெற்ற மன்னர்களாகவும் ஆட்சி செய்த குடிகளில் மிகவும் முக்கியமான குடிகள் வாணர் எனவும் அழைக்கப்படும் மகாபலியின் வம்ச குடியினரே ஆவார்கள். வாணர் என்றால் மலையர் என்ற மலையாளும் மன்னர் குடியாக கொள்ளப்படுகின்றது.. சேரனை சங்க இலக்கியத்தில் மலையன் என்றும் வானவன்(மலையர்) என்றும்.வானவரம்பன்(சேரன்) மலைகளை எல்லையாக கொண்டவன் என்று கூறுகின்றது.ஆக தென்னாடு முழுவதும் விந்திய மலை முதல் தென் மலையான பொதிகை,மேற்கு தொடர்ச்சி மலை பகுதி வரை மகாபலி வம்சத்தவர்களான வாணர்(மலையர்) என்ற மன்னர்களே ஆண்டுள்ளனர். இதற்கு ஆதாரமாக. "தென்புல மருங்கின் விண்டு நிறைய வாணன் வைத்த விழுநிதி பெறினும் பழிநமக் கெழு வெண்ணாய் விழுநிதி" (அடி 202 - 204 மதுரைகாஞ்சி) - எனக் குறிப்பிடுகிறது. இவ்வரிகளில் குறிக்கும் தென்புலம் என்பது இந்தியத் திருநாட்டிற்கு தென்புறம் தடுப்புச்சுவர் போல் உள்ள விந்திய மலையாகும். இது தக்காணம், தஷ¤ணபாதம், தக்கண பாதம் எனவும் வட மொழியில் அழைக்கப்படுகின்றன.இதில் இருந்து விந்திய மலையிலிருந்து கு

உலகெலாம் உணர்ந் தோதற் கரியவன்

உலகெலாம் உணர்ந் தோதற் கரியவன்; நிலவு லாவிய நீர்மலி வேணியன், அலகில் சோதியன் அம்பலத்தாடுவான்; மலர் சிலம்படி வாழ்த்தி வணங்குவாம்.------சேக்கிழார் அருளிய திருத்தொண்டர் புராணம் என்ற பெரிய புராணம்

பறவை நாச்சியார்

அவள் பெயர் பரவை, சுந்தரரின் மனைவி பெயரையே கொண்டவள். திருவாரூர் தியாக விடங்கர் (தியாகராஜர்) கோயிலில் தொண்டு புரிந்து வந்தவள். இவளின் பேரழகும், சைவத் தொண்டுகளும் மாமன்னன் கங்கை கொண்ட ராஜேந்திர சோழனை மிகவும் கவர்ந்தன. எத்தனை போரில் ஈடுபட்டு, எத்தனை உயிர்களை பரித்தவனாக இருந்தாலும் அவனும் ஆண் தானே? உடனே அவளை காதலிக்கத் துவங்கினான் ராஜேந்திரன். பல நூறு வருடங்களாக செங்கல் கட்டுமானமாகவே இருக்கும் திருவாரூர் கோயிலை கற்றளியாக மாற்ற வேண்டும் என்பது பரவையின் ஆசை, இதை ராஜேந்திரனிடன் கூறுகிறார் பரவை.  அவளை மிகவும் நேசித்த ராஜேந்திர சோழன் அவளின் வேண்டு கோளுக்காகத் தியாகராஜரின் திருக்கோயிலைக் கருங்கல் கொண்டு எடுத்து கற்றளியாகப் புதுப்பிக்கிறான். அவனின் 16-18ம் ஆண்டுகளில் வீதிவிடங்கனின் கோயில் கற்கோயிலாக மாற்றப்பெற்றது. கற்றளி மட்டும் போதாது, இந்த கோயிலை பொற் கோயிலாகவே மாற்ற வேண்டும் என்று பரவை ராஜேந்திரனிடம் கேட்டாள். காதலி பேச்சுக்கு மறு பேச்சு ஏது? உடனே ராஜேந்திரன் கோயிலை உள்ளும் புறமும் தங்கத்தகடுகள் போர்த்தி அழகு செய்தான். முகமண்டபம், தூண்கள் ஆகியவற்றை செம்புத் தகடுகளால் அலங்கரித்தான். 18ம் ஆ