Skip to main content

ராஜேந்திர சோழன் அரியணை ஏறிய ஆயிரமாவது ஆண்டையொட்டி

ராஜேந்திர சோழன் அரியணை ஏறிய ஆயிரமாவது ஆண்டையொட்டி, தஞ்சாவூரிலிருந்து கங்கை கொண்ட சோழபுரத்திற்கு தொடர் ஜோதி ஓட்டமும், தஞ்சையில் ஆயிரம் மோட்டார் சைக்கிளில் பேரணியும் கங்கைகொண்ட சோழபுரம் மேம்பாட்டு குழுமம் சார்பில் இன்று நடைபெற்றது.

இந்த பேரணியை தஞ்சை மாவட்ட கலெக்டர் சுப்பையன், எழுத்தாளர் பாலகுமாரன் ஆகியோர் தொடங்கி வைத்தனர். பேரணி தஞ்சை மேல வீதி, வடக்கு வீதி, கரந்தை, பள்ளிஅக்ரகாரம் வழியாக கங்கை கொண்ட சோழபுரம் சென்றடைந்தது. நிகழ்ச்சியில் மீனாட்சி மருத்துவமனை இயக்குனர் குருசங்கர், கவுரவதலைவர் முத்துகுமார், பழனியப்பன், மணிமொழியான், உள்பட பலர் கலந்து கொண்டனர்.

இதுகுறித்து எழுத்தாளர் பாலகுமாரன் பேசியதாவது:–

ராசராசசோழன் மறைவுக்கு பிறகு ராஜேந்திர சோழன் கி.பி. ஆயிரத்து 14–ம் ஆண்டில் அரியணை ஏறினார். வட இந்தியா மட்டுமல்லாமல் மலேசியா, கம்போடியா, பர்மா, இலங்கை, ஜாவா, நிக்கோபர், தாய்லாந்து ஆகிய நாடுகளை வென்ற இந்திய அரசர் இவர் ஒருவர் மட்டும் தான். இத்தனை சிறப்புமிக்க இவரது ஆட்சியை போற்றும் வகையில் ராஜேந்திர சோழனின் பிறந்த நாளும் இவர் அரியணை ஏறிய ஆயிரமாவது ஆண்டு விழாவும் இன்று நடைபெறுகிறது.

பின்னர் அவர் செய்தியாளர்கள் கேள்விக்கு பதில் கூறியதாவது:–

கே: உடையாளூரில் இருப்பது ராஜராஜ சோழன் சமாதியா?

ப: உடையாளூரில் ராஜராஜசோழன் சமாதி இல்லை.

கே: ராஜேந்திர சோழனுக்கு அரசு மணிமண்டபம் கட்டுமா?

ப: கண்டிப்பாக அரசு கட்டும் என்ற நம்பிக்கை உள்ளது.

இந்தப் பேரணியில் இன்டாக், ஜேசிஸ், ஊர்காவல் படை, நேரு யுவகேந்திரா, இருசக்கர வாகனப்பணி உரிமையாளர்கள் நலச்சங்கம், அகில இந்திய எல்.ஜ.சி. முகவர்கள் சங்கம், தமிழ்நாடு மருந்து விற்பனை பிரதிநிதிகள் சங்கம் உள்பட பல்வேறு அமைப்புகளைச் சேர்ந்தவர்கள் பங்கேற்றனர்.------Maalai malar

Comments

Popular posts from this blog

வாணர் குல அரசர்கள்

வாணர் குல அரசர்கள். தென்னிந்திய வரலாற்றில் பல்லவர், சோழர், சேர, பாண்டியர் வரிசையில் போர்க்குடியாகவும்,புகழ் பெற்ற மன்னர்களாகவும் ஆட்சி செய்த குடிகளில் மிகவும் முக்கியமான குடிகள் வாணர் எனவும் அழைக்கப்படும் மகாபலியின் வம்ச குடியினரே ஆவார்கள். வாணர் என்றால் மலையர் என்ற மலையாளும் மன்னர் குடியாக கொள்ளப்படுகின்றது.. சேரனை சங்க இலக்கியத்தில் மலையன் என்றும் வானவன்(மலையர்) என்றும்.வானவரம்பன்(சேரன்) மலைகளை எல்லையாக கொண்டவன் என்று கூறுகின்றது.ஆக தென்னாடு முழுவதும் விந்திய மலை முதல் தென் மலையான பொதிகை,மேற்கு தொடர்ச்சி மலை பகுதி வரை மகாபலி வம்சத்தவர்களான வாணர்(மலையர்) என்ற மன்னர்களே ஆண்டுள்ளனர். இதற்கு ஆதாரமாக. "தென்புல மருங்கின் விண்டு நிறைய வாணன் வைத்த விழுநிதி பெறினும் பழிநமக் கெழு வெண்ணாய் விழுநிதி" (அடி 202 - 204 மதுரைகாஞ்சி) - எனக் குறிப்பிடுகிறது. இவ்வரிகளில் குறிக்கும் தென்புலம் என்பது இந்தியத் திருநாட்டிற்கு தென்புறம் தடுப்புச்சுவர் போல் உள்ள விந்திய மலையாகும். இது தக்காணம், தஷ¤ணபாதம், தக்கண பாதம் எனவும் வட மொழியில் அழைக்கப்படுகின்றன.இதில் இருந்து விந்திய மலையிலிருந்து கு

உலகெலாம் உணர்ந் தோதற் கரியவன்

உலகெலாம் உணர்ந் தோதற் கரியவன்; நிலவு லாவிய நீர்மலி வேணியன், அலகில் சோதியன் அம்பலத்தாடுவான்; மலர் சிலம்படி வாழ்த்தி வணங்குவாம்.------சேக்கிழார் அருளிய திருத்தொண்டர் புராணம் என்ற பெரிய புராணம்

பறவை நாச்சியார்

அவள் பெயர் பரவை, சுந்தரரின் மனைவி பெயரையே கொண்டவள். திருவாரூர் தியாக விடங்கர் (தியாகராஜர்) கோயிலில் தொண்டு புரிந்து வந்தவள். இவளின் பேரழகும், சைவத் தொண்டுகளும் மாமன்னன் கங்கை கொண்ட ராஜேந்திர சோழனை மிகவும் கவர்ந்தன. எத்தனை போரில் ஈடுபட்டு, எத்தனை உயிர்களை பரித்தவனாக இருந்தாலும் அவனும் ஆண் தானே? உடனே அவளை காதலிக்கத் துவங்கினான் ராஜேந்திரன். பல நூறு வருடங்களாக செங்கல் கட்டுமானமாகவே இருக்கும் திருவாரூர் கோயிலை கற்றளியாக மாற்ற வேண்டும் என்பது பரவையின் ஆசை, இதை ராஜேந்திரனிடன் கூறுகிறார் பரவை.  அவளை மிகவும் நேசித்த ராஜேந்திர சோழன் அவளின் வேண்டு கோளுக்காகத் தியாகராஜரின் திருக்கோயிலைக் கருங்கல் கொண்டு எடுத்து கற்றளியாகப் புதுப்பிக்கிறான். அவனின் 16-18ம் ஆண்டுகளில் வீதிவிடங்கனின் கோயில் கற்கோயிலாக மாற்றப்பெற்றது. கற்றளி மட்டும் போதாது, இந்த கோயிலை பொற் கோயிலாகவே மாற்ற வேண்டும் என்று பரவை ராஜேந்திரனிடம் கேட்டாள். காதலி பேச்சுக்கு மறு பேச்சு ஏது? உடனே ராஜேந்திரன் கோயிலை உள்ளும் புறமும் தங்கத்தகடுகள் போர்த்தி அழகு செய்தான். முகமண்டபம், தூண்கள் ஆகியவற்றை செம்புத் தகடுகளால் அலங்கரித்தான். 18ம் ஆ